മാംഗോ റവ ബര്‍ഫി

ചേരുവകള്‍

1. റവ -1 കപ്പ്
2. മാമ്പഴം അരച്ചത്‌ -1 കപ്പ്
3. തേങ്ങ തിരുമ്മിയത്‌ -1 കപ്പ്
4. പഞ്ചസാര -1 കപ്പ്
5. നെയ്യ് -അര കപ്പ്
6. ഏലക്കാപ്പൊടി -അര ടീസ്പൂണ്‍
7. കശുവണ്ടി -20
8. മുന്തിരി -20

പാകം ചെയ്യുന്ന വിധം

ഒരു ടേബിള്‍ സ്പൂണ്‍ നെയ്യൊഴിച്ച് റവ നന്നായി മൂപ്പിച്ച് കോരിയെടുക്കുക.ഒരു പാത്രത്തില്‍ മാങ്ങാ അരച്ചതും പഞ്ചസാരയും കൂടി അടുപ്പില്‍ വെച്ച് ഇളക്കുക.തേങ്ങയും ചേര്‍ക്കുക.നെയ്യ് കുറച്ച് ഒഴിച്ച് ഓരോ സ്പൂണ്‍ റവയിട്ട് ഇളക്കുക.നെയ്യ് പുരട്ടിയ പാത്രത്തില്‍ കോരിയിട്ട് നിരത്തി അണ്ടിപരിപ്പും മുന്തിരിങ്ങയും മുകളില്‍ താഴ്ത്തി വെയ്ക്കുക.ആറുമ്പോള്‍ ഇഷ്ടമുള്ള ആകൃതിയില്‍ മുറിച്ച് ഉപയോഗിക്കുക.